Nihnih awh tur hmarchhak state huamchhunga mihringte himna chungchang zirhona - Seminar on Human Security In North East India : Problems Responses and Strategies chu vawiin chawhma khan I & PR Conference Hall-ah Higher & Technical Education Minister Pu Lalsawtan a hawng.
He seminar Mizo Research Scholars’ Association leh Zawlnuam College te tangdunin an buatsaih hawnna thuchah a sawiah chuan Minister chuan ‘Kawlhnam aiin Kawlawm a chak zawk’ an ti thin nachungin India Hmarchhak State-ah te erawh hi chuan tharum hi a la chak ber zawk niin a lang, a ti a. Chuvangin he thusawi lar tak thlen dik tir thei turin hetiang seminar buatsaih hian rah duhawm tak a chhuah ngei a beisei thu a sawi.
Pu Lalsawta chuan hmarchhak state chu sawi loh rampum huap ang pawhin sum leh pai ah te, nunphung hrim hrim ah te, hriselna leh mipat hmeichhiat kawngah te pawh kan him tawk lo nia a ngaih thu sawiin Mizoram pawh state ralmuang kan ti thin a, hei hi kum 20 chuang rambuai kan chhangkham vang mai a ni thei em, a ti a. Tuna kan khawpui dawr thlerte pawh thim hlima inkhar mai thin kan nih te hian kan him tawk loh zia a lantir zawk em a ti. Pawisawilo rukbo emaw thah emaw te chu hmarchhar state ah te hian hriattur a la awm chamchi a ni a ti. Hmeichhe rahbeh leh inchhung khura hmeichhe awm nem zawk chunga hleilenna te pawh sawi nawn ngai lovin hriattur a la awm fo a ni a ti bawk. Minister chuan heng zawng zawngah hian dan leh thupek kengkawhtute bakah mipui mimirin ngaihtuahna thar hman a hun takzet tawh a ni a ti.
Seminar thuhmahruai sawitu Prof. C. Nunthara, Dean, William Carey University, Shillong chuan UNDP thu hla sawi chhuakin mihring sa himna tih hian ralthuam laka himna mai bakah sum leh pai, hriselna, chhehvel boruak, khawtlang leh politics a mihringte himna a huam vek a ni, a ti a. 1992 atanga hmarchhak state-a pawikhawihna hrang hrangah mi 20,000 atanga 25,000 zetin nun an chan thu te, kum 2007 ah pawh mi 1000 zingah civil mi 453 in nunna an chan a. Assam, Manipur leh Nagaland te chu pawikhawih hluar zualna state an nih thu a tarlang.
Nihnih seminar chhung hian mithiam thlanchhuah hrang hrang 20 zetin an thuziak chhiar chhuakin sawiho zui a ni ang.
Pu Lalsawta chuan hmarchhak state chu sawi loh rampum huap ang pawhin sum leh pai ah te, nunphung hrim hrim ah te, hriselna leh mipat hmeichhiat kawngah te pawh kan him tawk lo nia a ngaih thu sawiin Mizoram pawh state ralmuang kan ti thin a, hei hi kum 20 chuang rambuai kan chhangkham vang mai a ni thei em, a ti a. Tuna kan khawpui dawr thlerte pawh thim hlima inkhar mai thin kan nih te hian kan him tawk loh zia a lantir zawk em a ti. Pawisawilo rukbo emaw thah emaw te chu hmarchhar state ah te hian hriattur a la awm chamchi a ni a ti. Hmeichhe rahbeh leh inchhung khura hmeichhe awm nem zawk chunga hleilenna te pawh sawi nawn ngai lovin hriattur a la awm fo a ni a ti bawk. Minister chuan heng zawng zawngah hian dan leh thupek kengkawhtute bakah mipui mimirin ngaihtuahna thar hman a hun takzet tawh a ni a ti.
Seminar thuhmahruai sawitu Prof. C. Nunthara, Dean, William Carey University, Shillong chuan UNDP thu hla sawi chhuakin mihring sa himna tih hian ralthuam laka himna mai bakah sum leh pai, hriselna, chhehvel boruak, khawtlang leh politics a mihringte himna a huam vek a ni, a ti a. 1992 atanga hmarchhak state-a pawikhawihna hrang hrangah mi 20,000 atanga 25,000 zetin nun an chan thu te, kum 2007 ah pawh mi 1000 zingah civil mi 453 in nunna an chan a. Assam, Manipur leh Nagaland te chu pawikhawih hluar zualna state an nih thu a tarlang.
Nihnih seminar chhung hian mithiam thlanchhuah hrang hrang 20 zetin an thuziak chhiar chhuakin sawiho zui a ni ang.
