Vawiin khan Khawbung khua-ah Mizo Novel leh Poets lama hmahruaitute zing ami Lalzuithanga leh Laithangpuia te pualin ‘Seminar on Mizo Novelist and Poets’ tih hmangin hun hman a ni. He hunah hian Pu P.L Thanga, Vice Chairman & CEO, NLUP Implementing Board chu Khuallian niin, Pu Lalrinawma, Principal, Hrangbana College chu Khualzahawm a ni bawk.

He seminar hi Khawbung khua chuan an hlutin an ngai pawimawh hle a, zirna in hrang hranga zirlaite leh zirtirtute an tel a, Village Council leh Tlawmngai Pawl hrang hrangte bakah Hrangbana College, Aizawl atangin Mizo Subject zirlaite leh zirtirtute an tel bawk a ni.

Hemi denchhen hian Khawbung khawtlang hruaitute chuan Pu P.L Thanga chu kuthnathawktute’n, sawhthing leh serthlum tam nasa thin avanga harsatna an tawrhnate an lo sawipui a, hemi sutkian nana hmalak dan turte an sawiho bawk a ni.