2343/2022-2023
Aizawl, the 17th October 2022: Pu Vanlalhuma, Ambassador of India to Slovakia leh Pu Vinay Kumar, Ambassador of India to Myanmar te chuan vawiin chawhma khan Raj Bhavan-ah Governor Hari Babu Kambhampati an kawm.

Ambassador pahnih te hi Indian Ambassador Conference October 20-22, 2022 chhunga neih tur atana rawn kal an ni a. Conference neih hmain Prime Minister duh dan angin ambassador te chu an adoptive state theuh tlawh tur leh tualchhunga thil thleng te a hmunah bel chiang turin fehchhuah tir an ni.

Governor Hari Babu Kambhampati leh Ambassador te inkawmnaah hian Mizoram chhunga hmalakna lian deuh te, a bikin India ramri state a nih anga Mizoram chhunga hmasawnna ruhrel lian deuh hetiang lama tangkai tur Railway Line Construction project leh KMMTTP chungchangte sawiho a ni.