Administrative Training Institute (ATI) in Sorkar senior officer te tana nithum awh (August 3 – 5) training, ‘Ethics & Values in Governance’ tih a buatsaih chu vawiin tlai khan zawhfel niin a kharna programme neih nghal a ni.

Kharna programme ah hian ATI Director Pu R.Lalvena IAS chuan training kharna thusawina (valedictory address) neiin officer te hnenah Certificate a hlan bawk a ni. Training a tel aiawh atangin Pu Vanlalpeka RCS chuan thusawiin,  training chu an hlawkpui theuh thu leh nitin office inrelbawlna kalphunga officer te a puih ngei theih thu a sawi. He training ah hian Department hrang hrang atangin officer 25 vel an tel a ni.