No.4912/2020-2021
Mizoram State Sorkar Notification No.B.12021/10/04-TRP Dt.22.8.2008 leh Section 115/117 of MV Act, 1988 in thuneihna a pek angin, Sr. SP Traffic chuan Chaltlang Bazar hlui bul Retaining Wall chim avanga thupek tihchhuah tawh No.RO/TRF/SP-Noti-7/08/658 dt.25.8.2020 chu, ngun taka zir chian a nih hnuin, mipui tana remchan zawkna a nih beiseiin a hnuaia mi ang hian HMV leh MMV te tlan dan tur a siam thar.
Chaltlang bazar hlui bul Retaining Wall siamthat a nih chhung hian HMV leh MMV te chu Bawngkawn atangin Ramhlun kawngah tlan-in Aizawl khawpui chhung an tlan lut thei ang a, Aizawl khawpui chhung chhuahsan turte erawhchu, chhim lamah tlanin Zampuimanga Thlan atangin Aizawl Bypass Road-ah Falkland atangin Sairang Road-ah tlan chhuah tur a ni.
Khawpui chhung chhuahsan tur Truck-te, Falkland leh a chheh velah motor lian tan din khawmuanna tur a awm loh avangin motor lian khalhtu-te ding khawmuang lo turin kan inhriattir a. A hma a Bawngkawn entry period lo siam tawh pawh retaining wall siamthat chhung chu a hnuaia mi ang hian siam danglam a ni.
Aizawl chhuahsan tur te chu chawhnu dar 1:00 pm thleng Zemabawk lam atanga Sairang Road-a an tlan phalsak a ni a, Sairang Road atanga Zemabawk pan turte chu chawhnu dar 1:30 pm atangin an tlan thei ang.
He thupek hi Dt. 10.9.2020 atanga thu leh awm hma chu hman tur a ni ang. He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. A hmuna duty ten a tul dan a zirin ruahmanna an siam thei ang.
