No.7168/2020-2021
Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act 1988 in thuneihna min pek angin, leh PWD Sr.SDO, Aizawl Road North Sub-Division. I, Saron Veng Local Council, Chhinga Veng Local Council, Dawrpui Local Council, Electric Veng Local Council te nen inberawnin Ni 17.1.2021 atang hian PWD Aizawl Road North Division -I ten Bazar Bungkawn atanga Sihpui kawng siam hna an thawh dawn avangin a hnuaia mi ang hian lirthei tlan dan tur thupek ka chhuah e.
Ni 17.1.2021 (Pathianni) bik ah chuan Bazar Bungkawn atanga Sihpui via KD Elementary kaltlangin hnathawh hun chhungin lirthei engmah tlan phal a nilo.
Ni 18.1.2021 (Thawhtanni) atang chuan chhun leh zan lam ah kawngpui zahve zel siam anih dawn avangin mipui leh lirthei helai kawng hmangtuten hnathawk tibuai lo turin fimkhur tak a lirthei khalh turin kan in hriattir a ni.
He thupek hian Ni.17.1.2021 atanga hnathawh zawh a nih hma chu a huam ang. Tin, hnathawh tibuai thei kawngpui sirah lirthei leh bungrua dah/park phal ani lo.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang. Tin, a hmuna Traffic Police duty ten a tul dan a zirin ruahmanna an siam thei ang.
