No.7744/2020-2021
Mizoram State Sorkar Notification No.B.12021/10/04-TRP Dt.22.8.2008 leh Section 115/116/117 of MV Act, 1988 -in Aizawl Traffic Senior SP thuneihna a pek angin, Mission Veng Local Council leh Republic Veng Local Council-te berawn-in, mipui vantlang him nan leh remchan zawk nan Mission Veng Bazar to Republic Kawipui via Lungli Tuikhur kawnga lirthei tlan dan tur, a hnuai ami ang hian ruahmanna a siam a. He thupek hi Dt 22.3.2021 atanga thu leh awm hma chu hman tur a ni ang.
1) Mission Veng Bazar to Republic Kawipui via Lungli Tuikhur kawng hi Zing dar 6:00 atanga Zan dar 7:00 inkar chhung one way tur a ni a. Hemi hun chhung hian lirthei (LMV)-te chu, Mission Veng Bazar atangin Republic kawipui lamah chauh tlan phal a ni.
2) Two Wheeler bik erawh chu Zing 8:30- 10:30 leh Tlai 3:00 - 6:00 inkarah, a chunga LMV tlan dan ang khian an tlan ang a, a bak zawngah chuan he kawngah hian chhuk leh chho zawng in an tlan thei ang.
3) Mission Veng Bazar to Republic Kawipui via Lungli tuikhur kawngah hian engtiklai mahin lirthei eng chi mah hun (Park) phal a ni lo.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang. Tin, Emergency thil ah chuan a hmuna Traffic Police duty ten a tul dan a zirin ruahmanna an siam thei ang.
