404/2024-2025

LUNGLEI; the 2^nd May, 2024:   Vawiin chawhnu dar 3:00 khan Deputy Commissioner Office Lunglei buatsaihin chhiatrupna thlenthulha lo in puahchah leh hmalak dan tur, Office ruahmanna leh Officer te mawhphurhna bakah  Staff te mawhphurhna in hrilhhriatna (Sensitization Training On Disaster Management, Office Disaster Management Plant and Roles and Responsibilities of Officer's and Staff of Dc's Office Lunglei) neih a ni.

Pu J.Miahlung, Addl.DC Lunglei chuan engtik lai pawhin chhiatrupna kan tawk thei reng a, chuvangin sorkarin chhiatrupna laka invendan a ngai pawimawh a, chuvangin Office hrang hrangah Office Disaster Mangement Plant siam tura tih a ni. Chhiatrupna  thlenthulha Disaster Management Plant siamah kan chanvo tur te hriat angai a chuvangin DC Office hmalakna in he hun hi buatsaih a ni a ti.

He hunah hian Pi Chuaupari Pachuau, District Organizer, DM&R Lunglei chuan Powerpoint presentation hmangin chhiatrupna thlenthulha in puahchah dan tur leh Officer leh Staff te chanvo hrang hrang neih dan te sawiin chhiatna thlenthulha mahni mawhphurhna leh eng chanvo nge ka neih tih kan hriat angaih thu a sawi a, khuarel chhiatna in engtiklai pawhin min chim thut theih avangin inbuatsaihna leh kan mawhphurhna theuh kan hriat chian a tul a ni a ti bawk.

He inhrilhriatna ah hian DC Office, DRDO Office, Excise & Narcotics Office leh DCSO Office te an tel a ni.

He hun hman zawh hian DC Office ah chhiatrupna thlenthulha chhanchhuahdan tur Mock Drill neih nghal a ni bawk.