Vawiin khan CMO Conference Hall Lunglei ah Sensitization Workshop for Tobacco Control Mizoram State Control Society buatsaih in hlawhtling taka neih ani. Workshop hi Dr.SR. Ngurchamliana’n kaihruai in Pu V.Sapchhunga IAS, DC Lunglei chu khuallian a ni.

Thusawiin DC chuan meizuk do hi sawrkar policy a ni a, Mizoram hi meizuka fihlim theihna state kan nih theih nan Squad te hmalakna ah hian i tawiawm theuh ang u a ti. District dangte aia kan hnufual loh nan thawktute tawiawm in tan ho a tul a ni. Squad ten tih luihna a meizu man te chawitir nghal mai lovin hawihhawm takin zirtirna pe in lungrual takin ke i pen ang u a ti.

He hun ah hian COPTA 2003 (Vaihlo kaihhruaina dan) chu Pu ZT Vawra Hmar, District Co-ordinator South Mizoram Tobacco Control in zirtirna pein, vaihlo in mihringte hriselna a tih chhiat theih dan Dr. Rothangpuia Pathologist, Civil Hospital in a sawi bawk. Vaihlo bawiha awmte chhanchhuah an nih theih na tur leh a enkawl dan tur Pi Rebecca Lalruatfeli Hnamte Psychologist NTCP in zirtirna a pe bawk.