Vawiin khan Pu Lalmalsawma, IAS, Home Commissioner kaihhruaina hnuai ah Sensitization Workshop on Prison Intervention chu IPR Conference Hall ah neih a ni. He workshop hi UNODC-South Asia leh SHALOM tangkawp buatsaih a ni a. UNODC atangin Pu R.Gunashekhar, UNODC South Asia Expert  on HIV/AIDS leh UNODC Prison project incharge chuan South Asia hmun hrang hranga an hmalakna a sawi a, jail ah hian ruihhlo hmansual  an tam thin avangin an zingah HIV kai lo tura hmalak a tul thu a sawi. SHALOM chuan Jail chhunga an hmalak dan te sawiin , jail chhungah hian HIV an tam tial tial thu te, enkawlna changtlung zawk an mamawh thute bakah drugs avanga harsatna nei te chu a bika zirtir an tulzia thute an sawi.

Central Jail, Aizawl  ah hian Male Ward 11 leh Female Ward 3 a awm a, jail ah hian mi 545 an awm thei a ni. Jail hnathawkte bakah Doctor 1 leh staff nurse an awm a. Tunah hian  Prison Department, UNODC leh SHALOM tangrual chuan  jail tangte tan HIV lamah inzirtirna leh inenkawl lamah hmalakna hrang hrang a nei dawn a, chung te chu:

*    Jail tang zinga mi 25 thlanchhuah te HIV/AIDS laka invenna lama thiamna bik neihtir
*    Damdawi hmansual avang a HIV/AIDS kai theih dan jail hnathawkte zirtir.
*    Jail tang zinga 75% te  chuan damdawi hmansual, HIV/AIDS/STI, Tuberculosis leh hriselna kaihnawih dangte chungchang fiah takin hriattir an ni ang.
*    Jail tang HIV/AIDS/STI/TB vei nia finfiah tawh hmun thum a thena hmun hnih te chu a hun taka inenkawlna pek leh felfai taka chhinchhiah an ni ang.