Vawiin chawhma dar 11:00 khan Serchhip DC Conference Hall-ah District chhunga Booth Level Officer te tan Special Summary Revision chungchangah training neih a ni.

He hunah hian District Bawrhsap Pi Sangchhin Chinchah, District Election Officer chuan thusawiin, inthlang ram kan ni a, kan ram hruaitu turte kan thlannaah inthlanna thianghlim leh felfai tak kan neih theih nan vote nei thei zawng zawngte Electoral Roll-ah an hming chuan a tul a, chumi kawnga hma la tur chuan Booth Level Officer te an pawimawh ber ani a ti a. Training hlawk thlak tak hmang theuh turin duhsakna a hlan bawk a ni.

Pu Abraham Beirazi Khithie, Election Officer, chuan kalkhawmte hnenah zirtirna pe in, ni 15 – 30 November, 2017 chhung hian Special Drive neih leh tur a ni dawn a, BLO te chu an bial chhung in tina kal chhuak vekin Electoral Roll-a hming chuangte, kum 18 tling tawh Roll-a la khung loh te, ni 1 January, 2019 a kum 18 tling tur te leh ram danga hnathawk Roll-a hming chuang leh chuang ve lo te hming zawng zawng ziak chhuak vek tura tih an nih thu a sawi a. Polling Station hman mekte enfiah a, thlak ngai a awm anih chuan thlakna tur ngaihtuah te pawh an hma lakna hian a huam vek thu sawiin, BLO te chu an hnathawh dan tur zirtirna a pe a ni.

He hunah hian Pu R. Vanrengpuia, SDO (Sadar) leh ERO 27 Tuikum A/C, Pu Vabeimozachhi Chozah, AERO 27 Tuikum A/C leh Pu Beitlotha Nohro, AERO 26 Serchhip A/C ten an tel pui a, District chhunga BLO te an tel tha hle a ni.