YMA Sub Headquarters Serchhip leh UD&PA Department tangkawpin an buatsaih kar khat awh tur Serchhip khawpui chhunga BPL chhungkuate tana Cement Mistiri Training chu vawiin chawhma dar 10:30 khan District Bawrhsap Pu H. Darzika'n Serchhip I&PR Conference Hall-ah a hawng.

Bawrhsap chuan cement mistiri tranining tura kalte chu fuihin Mizoram pawn lam mi ten kan rama hna an thawh tam ber chu cement work a ni tih sawiin, an thawh ai thawh khalh thei tura hetiang training buatsaih a ni hi thil lawmawm leh zawngchhangthlak tak a ni a ti a. YMA ten 'Kan rama in sak reng reng chu keimahni mizo te ngei hian kan ti thawk vek thei tur a ni' tiin tan la se, Chief Minister Pu Lal Thanhawla meuh pawhin a ngaihmawh kan rama hnathawh tur tam tak hnam dangin min thawhsak thin hian a ziaawm phah ngei ang tiin, training tur te chu chhawr zui tlak thiamna tak tak pawchhuak a, BPL chhungkua atanga tal chhuahna hun remchang atana he training hi hman tum turin a fuih.

BPL chhungkuate chawikan nana Cement Mistiri Training tunkar inrinni, May ni 14 thleng neih tur hawnnna inkhawm Pu Lalrammawia YMA Sub Hqrs Serchhip Training & Youth Affairs Committee Chairman kaihhruaiah hian khual zahawm Pu ST Lalhmingmawia DLAO, Project Officer SJSRY pawhin thu sawiin, mizo te hnam dang aia chhawr kan hlawh lo zawk fo thin chu teirei kan peih tawk loh vang a ni tiin, he training neih chhan ang taka BPL chhungkua atanga inkhaichhuah na ni thei se a duh thu leh eizawnna ngialnghet neihna ni thei se a duh thu a sawi a. YMA Sub Hqrs President Pu Lalzuiliana pawhin training neih a nih theihna tura remchang siamsaktu DC leh DLAO chungah lawmthu a sawi a.YMA Sub Hqrs Serchhip Training & Youth Affairs Committee Secretary Pu C.Lalhminghlua report atanga a lan danin training ah hian Serchhhip khawpui chhunga Branch YMA hrang hrang atangin training tur mi 21 telin, khawpui pawn atangin Hriangtlang a mi pakhat a tel bawk a, training chhung hian chhawr zui tlak, chhawr chakawm mistiri ni tura infuihna Sub Hqrs YMA hruaituten an neih dawn bakah in sak lam mithiam, Engineer ten zitirna an pe thin dawn a ni.

Attachment

  • Loading attachment...