Vawiin chawhnu dar 2:00 khan DC’s Conference Hall, Serchhip ah kum 2001 Chhiarpui (Census-2011) beihpui thlak laia Serchhip District a hnathawk thate hnenah India President in Ministry of Home Affairs kaltlanga Medal leh Certificate a pekchhuah semna hun hman a ni.

He lawmman semna inkhawm ah hian Pu VL Remliana, MCS, Addl DC, Serchhip chu khuallian niin lawmman te hi a sem a, lawmman dawngtute lawmpuina thu sawiin khuallian chuan hnathawh that vanga chawimawina dawn hi a hlut rualin census medal ngat phei hi chu kum 10 danah chauh dawn theih anih vangin a dawngtute tan pawh a hlu lehzual hle a ni a ti a, lawmman dawng pha ve lo te pawhin hnual phah nan hmang mai lovin nasa lehzuala tan lak phah nan hmang zawk se a duh thu a sawi a, lawmman hi mi zawng zawng dawn tura ruahman anih thin loh avangin a tha berte zing ah lawmman dawn theih zat atanga thlan an ngai thin a, midang te an chhe ta bik hle tihna ani lo a, chu chu hlawhtling taka census hna kan thawh ah hian a rawn langchhuak tho tho a ni a ti bawk.

He lawmman semna inkhawm Pu Lalnunfela Chawngthu,MCS, Nodal Officer in a kaihruai a, lawmman dawngtute hi heng a hnuaia mi 12 te hi niin Silver Medal dawng 7 leh Bronze Medal dawng 5 an ni :

Silver Medal dawngte :

1) C.Lalthanzira, DPC, SSA Mission, Serchhip District

2) Lalrinkunga, Chhiahtlang

3) H.Laltanpuia, East Lungdar

4) Vanlalthara, Chhiahtlang

5) C. Lalramchhana, Thenzawl

6) Remsangpuii, Vanchengte

7) T.Lalrinchhana, P&E Veng, Serchhip

Bronze Medal dawngte :

1) Malsawmtluanga, MCS, Election Officer, Mamit (Serchhip BDO anih lai a a hnathawh that vanga dawng a ni.

2) Lalduhawma Khiangte, Headmaster, PCR High School, Serchhip

3) H. Zathanga, Mualcheng

4) PC Vanlalluna, Chhiahtlang 5) A. Lalhmachhuana, Hriangtlang.

Attachment

  • Loading attachment...