Central YMA leh Disaster Management & Rehabilitation Department tangkawp chuan vawiin khan YMA Sub Hqrs Serchhip hnuaia YMA member te tan Serchhip Hmar Veng YMA hall-ah chhiatrupna laka inven dan zirhona leh chet lak dan tur inzirtirna “ Community Awareness Programme on Disaster Management cum Training for YMA Volunteer” an buatsaih.

Dr. Lalrokima Chenkual, Head Faculty, ATI, CYMA Disaster Management Sub Committee Vice Chairman hnen atang chhiatna thlen theih dan hrang hrang leh inven dan te chipchiar takin zir a ni a,  Pu Lalhruaitluanga, CYMA Disaster Management Sub-Committee Secretary hnen atangin chhiatrupna thlen thulha chet lak dan tur te chipchiar takin zir a ni a, hei bakah hian hliam tuar leh nunna chan enkawlna hmasa, First Aid chungchang inzirtir a ni bawk.

Vawiin Training hawnna inkhawm hi Pu PC Lalropara, Central YMA Disaster Management Sub-Committee Chairman-in kaihruaiin Tv. Lalhmachhuana, Central YMA Asst. Secy in a hawng a, Sub Hqrs YMA Serchhip aiawhin Pu H. Lalrinawma, Asst. Secy-in thu a sawi bawk.

Chhiatrupna chungchang inzirtirnaah chua Central YMA atangin mi-9 an tel a, Sub Hqrs YMA Serchhip -ah hian Disaster Management Training chhuak YMA member 11 an awm tawh a ni.