Vawiin chawhnu dar 2 khan BRC Hall, Serchhip-ah thlakhat awh Training of Teachers on Continuous & Comprehensive Evaluation (CCE) kharna hun hman a ni9 a, Pu C.Zolawma, DEO, Serchhip chuan khuallian niin a hmanpui.

Khuallian Pu C.Zolawma chuan Primary School leh Middle School hrang hrang zirtirtu kalkhawmte chu an mawhphurhna hrechiang tur leh an thil zir chhuah te a taka hmang tangkai ngei turin a chah a, a tulna avanga CCE hman a ngaih avangin inthlahdah lova thahnemngai turin leh mipui vantlangin CCE kalphung an chhui ve reng avanga finkhur leh uluk taka kalpui a ngaih thu a sawi bawk a ni.

Training of Teachers on Continuous & Comprehensive Evaluation (CCE) hi DPC, SSA Mission Serchhip, DEO Serchhip leh DIET Serchhip tangkawpte buatsaih niin March ni 16, 2011 atanga tan a nih atanga, a kharna vawiin April ni 15, 2011 a neih a nih thleng hian Serchhip District chhunga Middle School leh Primary School hrang hrang zirtirtu 730 hnenah training pek niin, an ni hi batch hrang hrang 16 a then an ni a, DIET ah leh SSA Hall-ah a ruala training hi pek thin an ni a,  DIET Serchhip-a thawktuten training hi an pe thin a ni.