No.6360/2020-2021

Dated Serchhip, the 26th October, 2020: Mizoram State Disaster Management Authority in a lo rel tawh anga vawiin atanga tan tur Covid19 No Tolerance Fortnight chu Serchhip District ah pawh tluang taka nei a ni a. Covid19 dan kengkawh tura ruat hrang hrang ten khauh takin an mawhphurhna te an thawk.

Mizoram Sawrkar in Action Plan a duan angin tukinah Office thenkhatah Covid19 laka himna e-pledge lak a ni a, Deputy Commissioner Pu Kumar Abhishek leh DC Office a thawktu zawng zawngte chuan DC Conference Hall ah Dr Manesia Khaimeichho MCS, SDC kaihhruaina hnuaiah e- pledge hi an la a, I&PR Office thawktute pawhin an pisaah thutiam hi sawiin, office dangte pawhin anmahni remchan danin an la hlawm a ni. Sawrkar Office hrang hrang te hian Action Plan angin Poster te siamin an pisaa hmun ualau laiah an tar hlawm a ni.

Executive Duty tura sawrkar pisa hrang hrang atanga thawktu za zela sawmthum thlan khawm ten District chhung khua zawng zawngah zing dar 6 atanga tlai dar 8 inkar hunbi insemin an duty a, Police Department te pawhin hmun hran hranah duty an indah bakah flying squad an nei bawk a, tin VLTF ten anmahni bial theuh tha takin an vil bawk a ni. Heng duty hrang hrang ten dan bawhchhia an man te pawisa an chawi tir tling khawm chu he thu buatsaih lai thleng hian Rs. 5900 a ni.

Serchhip District mipuite chu Covid19 Act in kan himna tura mawhphurhna min pek hrang hrang te tha taka zawm turin kan insawm nawn leh a ni e.