Tukin khan Serchhip Bazarah Antyodaya Yojana-National Urban Livelihoods Mission (DAY_NULM) Rally, UD&PA Serchhip Office huaihawta neih a ni a, NULM kaltlanga tanpuina leh enkawlna dawng mimal leh Self Help Group member tam tham tak an tel.

He Rally hi Serchhip Tuikhuah Veng atanga neih tan niin District Project Officer, NULM Pu Beitlotha Nohro, MCS chuan a kaihruai a. DAY_NULM Rally buatsaih chhan sawiin khawpuia cheng mi harsa zawkte khaichhuahna programme hrang hrang te, mahnia eizawnna dinna tura loan ruahmanna te, Self help Group hmanga indawm kanna kalpui mek te mipuiten zau zawka an hriat theih nan leh; khawpui hmasawnna tura mitin mawhphurhna hrang hrangte inhrilhhriatna atana buatsaih a nih thu a sawi. He hmunah hian Pu K. Saitluanga, DIPRO chuan New India Movement thutiam (Pledge) 2017-2022 chu kalkhawmte aiawhin a chhiarchhuak a ni. He mi hnu hian Bazar ah hun hman leh niin hetah hian Pu K. Saitluanga, DIPRO chuan Swachh Bharat thutiam chhiarlehin, DAY NULM \Serchhip District Manager Nl. Grace Lalrinfeli leh Nl. Lawmzuali ten DAY NULM hnuaia hmalakna leh ruahmanna hrang hrangte sawifiahna an nei bawk.

DAY NULM hnuaiah hian Serchhip ah hmalakna hrang hrang kalpui mek a ni a chungte chu;

1. Employment through Skill Training (EST&P) niin he hmalakna hnuaiah hian 2015 atanga vawiin thlengin mi 462 in eizawnna tlak thiamna chi hrang hrang an zir chhuak tawh.
2. Self Employment Programme (SEP), he hmalakna hi guarantor ngailo leh a interest tlema eizawnna bul tanna loan pekna a ni a, mimal in Rs 2 Lac chin leh Group emaw Self Help Group in Rs 10 lac chin an puk thei a, Interest hi 7% a ni. Serchhip ah hian mimal 20, Group 1 leh Self Help Group 10 in SEP hi an hmang tangkai mek a ni.
3. Social Mobilisation and Infrastructure Development (SM & ID), he hmalakna hi khawpuia miretheiten hma an sawn theih nana Grassroot level a Self Help Group, Area level a Area Federation, khawpui huapa City Federation dinpui leh an bul tanna tur sum tum saka vilzuina a ni a. Serchhip ah hetiang Group hi 124 din an ni tawh a, la din belh chhoh zel a ni.
4. Shelter for Urban Homeless (SUH) he hmalakna hnuaiah hian chenna in neilote tan P&E veng ah in sak mek a ni a, Home awmsa hrang hrang hnenah tanpuina engemawzat pek an ni tawh bawk.
5. Support to Urban Street Vendor (SUSV), he hmalakna hnuaiah hian kawngkama inpho thin, bungraw zuar thinte tanpuina hna thawh mek a ni a. Serchhip ah Streer vendor hi mi 112 awm mekin an ni ho hi Card te siam sakin, vanding Plan te siam mek a ni. Serchhip hi City Street Vending Plan ah Mizoram pilot Project atan thlan a ni a, Detail Implementation Plan pawh siam fel tawh a ni.
6. City Livelihood Centre (CLC), he mi hmang hian khawpuia mirethei ten an service an hralh theihna tur Centre emaw Information Centre emaw sak a ni dawn a, Serchhip atan bik tunah Rs. 10 Lakh sanction a ni.

Heng hmalakna hrang hrang te bakah hian chenna in neilote tana in sak sakna programme Pradhan Mantri Awas Yojana (PMAY) Housing For All chu kalpui reng a ni bawk.