Vawiin chawhma dar 11:00 khan District Bawrhsap Pu P. Lalchhuanga, District Level NLUP Implementing Committee Chairman ni bawk hovin NLUP 2nd Phase Sub-Committee member-te an thu khawm a. Thil pawimawh tam tak an ngaihtuah ho zingah Beneficiaries te atanga trade thlak dilna te, Beneficiaries hming thlak dilna te, thawh khatna latu dawng chhunzawm tlak tawh lova ngaihte thlakna turte leh thawh hnihna atana tanpuina dawng turte leh an trade thlan siam danglam hlek hlek te a tel a ni.

Heng hming thlak dilte hi a tlangpuiin chhungkaw pa ber boral avanga chhungkaw nu ten an hminga dah an dilna te an ni hlawm a. Beneficiaries-te atang hian anmahni tuina tak trade pek an nih loh avang leh thawktu ber thihna avanga te a thawh chhunzawm remchang ta lo te avangin trade thlak dil an awm bawk a, Board chuan mi harsate chawi kan leh an hlawhtlinna tur ngei pek chu an tum ber a nih avngin an tuina tak chu pek theih a ih chuan remchang siamsak ngei a tha tiin heng dilna te hi a pawmsak tlangpui a ni.

NLUP hi state sawrkar Flagship programme a nih ang ngeiin line department te pawhin theihtawp chhuahin an vil a, hna thawh endik chungchagah pawh an uluk hle a, a hmun ngeiah an kal chilh thlap thlap thin a ni tih meetingah hian sawilan a ni bawk.