Vawiin chawhnu dar khat khan Serchhip DC’s Conference Hall-ah Faina Hapta a titha te hnena lawmman sem inkhawm neih a ni a. He inkhawm hi DLAO, Sanitation Officer ni bawk Pu S.T. Lalhmingmawia’n a kaihruai a, Serchhip Bawrhsap Pu P.Lalchhuanga chu khuallian a ni.

Bawrhsap chuan Faina Hapta hi rampum huapa hman anih rualin serchhip district ah chuan kum tluana kalpui tum anih thu a sawi a, Faina Hapta huaihawt tute ruahman dan chuan Faina Hapta bik chauh a endik hna thawk tawh lovin, quarterly in endiktute an intir chhuak tawh ang a, heng endik hna thawh zawh hnu a mark khawl hnem apiang kha Faina Hapta hman anih leh hunah lawmman pek an nih tawh zawk tur thu a sawi a, Faina Hapta hlawhtling taka hman anih theih nan a sulsutu zawng zawngte lawmthu hrilhin media te thahnemngaihna leh thawhrimna chu lawmawm a tih thu a sawi bawk.

Bawrhsap chuan zirlaiten thahnemngai taka khawtual an tifai chu lawmawm a tih thu sawiin Media ten zirlai hnatlangte an kawmna a hmuhin zirlaite hian faina chungchangah hma an hruai ani tih a lantira a hriat thu sawiin puitling zawkte hian zirlaite atanga zirtur an ngah a a hriat thu a sawi a, Faina Hapta hi faina kawnga tan lak tharna atana hman ni se a duh thu a sawi bakah kawngkama insakna bungrua leh bungraw dangte dah hi dan in a phal loh anih avangin YMA leh VC te nena tan lak tlan a tul thu a sawi bawk a ni.

Faina Hapta hman anih chhung hian Faina kawnga inelna chi hrang hrang siam a ni a, heng a tithe zualte hnenah hian lawmman sem nghal a ni bawk, lawmman sem anih dawn hian category tina Judge ten endikna an kalpui dan tlangpui report an pe a, heng intihsiakna hrang hrang a lawmman dawngtute chu :

VC Fai lawmman : Pakhatna – Serchhip-V Village Council; Pahnihna– Chhiahtlang Village Council; Pathumna– Serchhip-I Village Council

Sawrkar Office Fai lawmman : Pakhatna- DIET Office; Pahnihna- PWD Office; Pathumna- District Information & Public Relations Office

Primary School Fai lawmman : Pakhatna- Govt. Primary School, Chanmari, Serchhip; Pahnihna- Govt. Primary School-I, Chhiahtlang; Pathumna- Govt. Primary School, Chhim Veng, Serchhip

Middle School Fai lawmman : Pakhatna – Govt. Modern Middle School, Serchhip; Pahnihna – Govt. National Middle School, Chhiahtlang; Pathumna – Govt. Middle School, Serchhip

High School/Higher secondary School Fai lawmman : Pakhatna – Marian High School, Serchhip; Pahnihna – Presbyterian English Medium School (High School Section) Serchhip; Pathumna – Govt. PCR High School, New Serchhip

Hotel/Restaurant/Canteen Fai lawmman : Pakhatna – Hill View Guest House New Serchhip; Pahnihna – PHE Office Canteen, New Serchhip; Pathumna – New Land Hotel, IOC Veng

Sweeper tha ber lawmman Pi Lalthantluangi, Chhim Veng, Serchhip hnenah hlan a ni bawk

VC area fai lawmman hian certificate bakah pakhatna in Rs. 7000, pahnihna in Rs. 5000 leh pathumna in Rs. 3000 a keng tel a, Zirna In leh sawrkar Pisa fai lawmman hian Certificate bakah pakhatna in Rs. 1500. Pahnihna in Rs. 1000 leh pathumna in Rs. 700 a keng tel a, Hotel/Restaurant/Canteen fai lawmman hian certificate bakah pakhatna in Rs. 1000, pahnihna in Rs. 700 leh pathumna in Rs. 500 a keng tel a, Sweeper tha ber hnenah hian lawmpuina thuziak (certificate) leh tangka fai Rs. 500 hlan a ni bawk.