Serchhip DC hnen atanga thu dawn danin Serchhip khawpui chhunga Ruah leh thlipuiin In a tih chhiatna ah Pu Zalawma, Kum 65 chu a in luah chimin a delh hlum a, naupang kum 7 mi, nula pakhat leh tlangval pakhat an hliam bawk. Mitthi chhungte hnenah hian zangnadawmna Rs. 50,000/-  D.C. chuan a hlan nghal.

Serchhip V/C I huamchhuangah In 44 a ti chhia a, Serchhip V/C II ah In 3 a ti chhe vek a, Serchhip V/C IV ah In 9 a ti chhe vek a, 49 a ti chhe nual bawk. New Serchhip ah In 7 a ti chhe vek a, 30 a ti chhe nual bawk. E. Lungdar ah In 10, Lungchhuan ah In 3 a ti chhe nual bawk. Thenzawl ah In 10 a ti chhe vek a, a dang 50 a tih chhiat nual bak ah Biak In 10 a ti chhe nual bawk.  Thinglian ah In 1 a ti chhe veka a dang 14 a ti chhe nual bawk. Chhingchhip ‘M’ ah In 3 a ti chhe vek a 15 dang a ti chhe nual. Lungkawlh ah In 15 a chhe nual bawk a; N. Vanlaiphai ah In 13 a chhe nual a. Chhingchhip ‘V’ ah In 11 a chhe nual bawk. Keitum ah In 1 a ti chhe vek a a dang 45 a chhe nual bawk. Khawlailung ah In 1 a chhe vek a 8 dang a chhe nual bawk, Hriangtlang ah In 22 a chhe nual a, Lungdar ah In 5 a chhe vek a a dang 5 a chhe nual. Chhiahtlang ah In 1 a chhe vek a a dang 29 a chhe nual bawk. Buangpui ah In 22 a chhe vek a 7 dang a chhe nual. Neihloh ah In 1 a chhe nual a, Bungtlang ah In 25 a chhe vek a, 7 a chhe nual a, 11 dang a chhiat nasat bakah bakah Govt. building 11 a chhe bawk.