Pi Vanthangpuii, District Urban Development Officer, Serchhip chuan, NULM component pakhat Employment Through Skill Training & Placement (EST&P) chu khawpuia mi harsa te leh rethei zawk ten eizawnna kawng an dap theihna tur atana sawrkarin a ruahman a nih thu sawiin, hetiang thiam zirna training a buatsaih sak thin chu thil lawmawm tak anih thu a sawi a. Eizawnna tlak thiamna tak tak paw chhuak ngei turin training tura thlan te chu duhsakna a hlan a ni.
Pi Grace Lalrinfeli, District Manager chuan training tur an thlan dante leh training kalphung turte a sawi a. Training kal tha lo te leh Training pe tura an thlan Firm-te pawh an zirlaite mamawh ang an pe thei lo anih chuan ban theih an nih thu a sawi bawk. Tha taka training chhuakte hnenah hian India sawrkarin a hriatpui Certificate an hlan tur thu sawiin, an zirlaite an zir zawh hnuah an hnawthawh tur an buaipui sak bakah hma an lak tanna tur Loan thlenga an buaipui sak theih tur thu a sawi.
EST&P hnuaiah hian Motor Driving ah mi 30, Tailoring ah mi 80, Beauty & Wellness ah mi 30 leh Food & Beverage ah mi 30 training tura thlan an ni a. Heng bakah hian General Duty Assistant, Domestic Data Entry Operator, Two & Three Wheeler Technician leh Unarmed Security Guard training duhte tan dilna hun an hawng mek bawk. Training Providers (NULM Partners) - AISECT, KABOD, ASCENSIVE leh ETERNITY PARTNERS ten Serchhipa Training Centre an hawnah te a thlawn in an zirtir dawn a ni.
