Vawiin hian Serchhip DC Meeting Hall ah National Tobacco Control Programme hmalakna in Vaihlo khuahkhirhna dan hrang hrang zirhona neih a ni a. District chhunga COTPA dan lekkawh theitu hrang hrang leh mi pawimawh dangte kalkhawmin mithiam ten COTPA dan zirtirna an pe.

He hun hi Dr. Lalhlunpuii, District Nodal Officer in kaihruaiin Pi Vanlalzari, Legal Consultant, State Tobacco Control Cell chuan Cigratte and Other Tobacco Products Act in a sawi (Tobacco control laws) dan pawimawh hrang hrangte a sawifiah a. Kal khawmte atangin sawihoa te neih zuia, hmalak dan tur tha nia hriatte ngaihtuah ho a ni. He mi hnu hian Pi K. Hmingthansangi, District Consultant chuan vaihlo leh vaihlo kaihhnawih thil ten taksa an tihchhiat theih dan zirtirna a pe zui a, chumi hnuah Pi Maria VL Neihhlui, Psychologist chuan vaihhlo ngai (addict) tawhte tana sim dan leh thawktuten Cessation lama an lo tanpui theih dan kawng hrang hrangte zirtirna a pe leh bawk.

Heng dan pawimawh leh zuk leh hmuamin kan taksa a khawih pawi dan te, a sim theihna tur kawngte mithiam ten an sawi zawh hian kalkhawmten zawh duh an neih hrang hrangte zawtin sawihona hun neih zui ani.