4180/2024-2025

Dated Serchhip the 10th February, 2025 : Vawiin khan Serchhip DEO Pu Paul L Khuma, Serchhip DC ni bawk hoin a pisaah meeting neih a ni a. Village Council inthlan lo awm tur atana inbuatsaihna thlir ho a ni.

Nodal Officer ten an chanpual theuha ruahmanna an siam te leh hma an lak tawh chin meeting-ah hian sawilan a ni a. Sector Officer te pawhin Polling Station tin fang chhuak tawhin Assured Minimum Facility a awm kim em tih an endik a, ruahmanna an siam tawh a. Polling Station adopt tura tih an nih angin an bial theuhah Polling Station pakhat theuh model atan an adopt a. 90% vote a tlak theihna tura hma an lak dan ngaihthlak a ni bawk.

Inthlana duty tura ruat ten Postal Ballot tluang takin an thlak zo tawh a. Serchhip District chhunga vote nei, election duty tura ruat te zingah vote 122 tlain hei hi za zela tehin 100% a ni a. District pawn a vote nei mi 60 zingah 33 in vote an thlak a ni.

Inthlan ni a Polling Station tina duty tur Booth Ambassador atan Self Help Group member te ruat an ni a. Government Serchhip College a Electoral Literacy Club te chuan Polling Station pathum - Little Flower Convent School Polling Station, P&E Veng; Govt. Middle School Polling Station, New Serchhip North leh Govt. PCR High School Polling Station, New Serchhip South ah an duty dawn a. Vote thih theih dan chungchang leh vote thlak dan tur voters-te an lo hrilh hre dawn a ni.

Vote chhiar a khaihlak loh nan power supply pek dan tur ruahmanna siam a ni a. Power supply a khaihlak emaw harsatna a thlen palh emawa biak pawh theih tur Power & Electricity Dept Staff te ruat vek an ni bawk.

Vawiin meeting ah hian Additional DC Pu Lalrinzuala bakah Nodal Officer te leh Sector Officer te an tel a ni.