No.3724/2021-2022

Aizawl, the 19th January, 2022: Vawiin khan Serchhip District Deputy Commissioner thar Pi Nazuk Kumar, IAS chuan Serchhip district MJA te chu lengah sawmin inkawmna hun an nei.

Bawrhsap chuan chanchinbumite chu sawrkar mit leh beng leh mipuite hnena a chhia a tha tinreng thlentu an nih avangin in pawimawh hle a. Serchhip District enkawlna kawng tinrengah in thawhpuina kan mamawh a ni, tiin, thil thleng pawimawhte chu hrilh hriaa, bengvar thin turin a ngen a. MJA te leh Bawrhsap office ten thawhhona tha tak an lo neih tawh thinnaah lawmthu sawiin hripui dona kawnga an lo thawhho tawhna te chu fak tlak nia a hriat thu a tarlang a ni. Mizoram boruak muanawm tak chu nuam a tih thu leh sawrkar leh tlawmngai pawl hrang hrangte thawh hona tha tak awm reng mai chu ropui a tih thu sawiin mipuite tichiai zawnga thu leng darh thin laka fihlim turte leh thudik hrilhtu nih tum tlat thin turin a ngen a ni.

Pu Kapliana Pachuau, President, MJA Serchhip District pawhinthusawiin, Bawrhsapin lenga a sawm chu lawmawm a tih thu a sawi a. Serchhip District hmasawnna atana a hnathawhna ah chanchinbu miten tangkaina an nei anih chuan tanpui turin an inhuam reng tih a hrilh a ni.

Chanchinbumite hian District chhunga hmasawnna hna thawh hrang hrang te chu fur ruahtui tlak hmaa chak taka thawh anih theih nana tan lak a tul niaa an hriat thu an sawi lang a. District Hospital lian leh changtlung zawk Serchhipin a mamawh hle tawh nia an hriat thute an sawi lang bawk.