No.3695/2021-2022

Aizawl, the 17th January, 2022: Vawiin atang hian Serchhip Bawrhsap thar tura ruat Pi Nazuk Kumar, IAS chuan a mawhphurhna thar a pisa luah tan ta a, vawiin vek hian he mawhphurhna lo chelh hmasatu Pu Kumar Abhishek, IAS pawhin Serchhip chhuahsanin a hnathawhna hmun tur Delhi lam a pan nghal bawk.

Serchhip Bawrhsap thar Pi Nazuk Kumar hi 2016 batch Indian Administrative Service Officer, AGMUT Cadre a ni a, IIT, Delhi a zirchhuak niin, pasal nei tawh a ni. Serchhip Bawrhsap ni tura rawn insawn hma hian Higher & Technical Education, Government of Mizoram ah Director hna a chelh a, Additional Secretary, ICT, Government of Mizoram, hna pawh a lo chelh tawh bawk.