No.3233/2021-2022

Aizawl, the 1st December, 2021: Vawiin khan Serchhip Bawrhsap Pu Kumar Abhishek, IAS chuan Chhingchhip a Sainik School a tlawh a, an school Biology Laboratory a hawng.


Serchhip bawrhsap Pu Kumar Abhishek IAS hi Sainik School Chhingchhip Principal, Wing Commander Sahul Hameed leh Administrative Officer Major S. Kalyan bakah thawktu dangten an lo dawngsawng a, Bawrhsap hian Sainik hmunhma building hrang hrang te bakah, playground te fang kualin, hmasawnna hna an thawh hrang hrang te a en a, chumi hnuah School Conference hall-ah Cadets te leh Staff hote nen inkawm hona an nei zui a ni. 

Serchhip Bawrhsap hian Sainik School in Science Laboratory pathum an neih zinga pakhat Biology Lab chu a hawng nghal a, Cadets te leh Staff te nen Cadet Mess ah thingpui in honate an nei a ni.

Sainik School Chhingchhip ah hian zirlai Cadets 296 awmin Class VI atanga Class X inkar zirlai an ni a. Tunah hian CBSE hnuaia pawl 10 exam mek Cadets 51 an awm mek a, Officer 2 bakah thawktu dang mi 40 ten an enkawl a ni.

Attachment

  • Loading attachment...