1773/20214-2025
Dated Serchhip, the 27th August, 2024: State Election Commission hriattirna 27.08.2024 a tihchhuah angin Serchhip-Ill (Chhim Veng) leh New Serchhip North Village Council huam chhungah General seat atan By-election buatsaih a nih dawn avangin Model Code of Conduct hman tur a ni a, he Model Code of Conduct hian inthlan hun chhung leh result puan thleng a huam dawn a ni.
He By-Election neih tur chungchanga kaihhruaina a hnuaia tarlante hi Political Party te zawm ngei turin Serchhip DC Pu Paul L.Khuma, District Election Officer chuan a ngenin a hriattir a ni.
Campaign chungchang:
September ni 24, 2024-a Serchhip-Ill (Chhim Veng) leh New Serchhip North VC By-election neih tur atan Political party ten an campaign pui turin hmun dang atangin campaigner chah luh theih a ni a. Inthlanna boruak felfai leh thianghlim tak a awm theih nan Vote thlak hun khar (close of poll) a nih atanga chhiar leta darkar 48 (September ni 22, 2024- Pathianni tlai dar 5:00) hnulamah campaign phal a ni tawh lo. September ni 22, 2024 (Pathianni) tlai dar 5:00 hnulamah Serchhip III (Chhim Veng) leh New Serchhip North VC area chhunga campaign tura lut, VC Roll-a chuang si lo te cham ban phal a ni tawh lova, hemi hma hian VC area chu an chhuahsan ngei ngei tawh tur a ni.
Motor hman chungchang:
i. Inthlan niah Polling Station-a voter te phurh nan motor hman phal a ni lo.
ii. Inthlan ni (Poll day) ah Candidate leh an agent te tan motor pakhat hman phalsak an ni a. He phalna hi RO hnenah ziakin an dil tur a ni.
In thlan niah voter leh mipui vantlang rikrap thei tur hriam hrei leh silai lek emaw phurh phal a ni lo a. Hetiang ang hmanraw phur motor hi man a nih chuan, motor hi man nghal tur a ni. Election zawh hma chuan hren tur a ni. A neitu pawh dan angin a chungah action lak a ni ang.
Defacement of Public Property leh Banner zar chungchang:
i. Sawrkar building leh hmun chhungah banga thil ziah, poster tar leh campaign-na lam hawi engmah tar emaw ziah lan phal a ni lo.
ii. Kawng kan/ tan zawngin banner emaw gate emaw siam phal a ni lo
iii. He thu kalh zawnga Political Party emaw candidate emaw in hma an la a nih chuan, District Election Officer in la thla tura tihna hriattirna a chhuah anga, a zawmlo a nih chuan dan anga hma lak tur a ni ang.
Common Election Camp:
ParIy worker-te inkara boruak tha lo pumpelh nan Polling Station bulah Political Party-te leh candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag te, poster te, Symbol te leh thuziak, Political Party emaw Candidate lam kaihhnawih ziahna engmah tar loh tur a ni. He camp ah hian pawm tlan theih tu emaw in a ho ang.
Loudspeaker hman chungchang:
Campaign hun chhung hian loudspeaker/Public Address System-te hman phal a ni lova, amaherawhchu, Candidate te emaw Political ParIy ten public meeting/rally te buatsaih an duh a nih chuan loudspeaker hman phalna District Magistrate emaw Sub Divisional Magistrate te hnenah an dil thei ang.
