3992/2024-2025 

Dated Serchhip the 27^th January, 2025: Vawiin khan Serchhip DC Pu Paul L. Khuma kaihhruaina hnuaiah National Highway -54 zauh leh cheithat hna thawktu contractor te leh official ten an hnathawh thlirletna leh hmachhawp te sawihona hun an hmang.  

Vawiin meeting hi Serchhip DC Meeting Hall a neih niin Serchhip District huamchhunga National Highway-54 zauh leh cheithat hna package 1, 2 leh 3 a thawktu contractor zawng zawng te Serchhip Bawrhsap chuan a ko khawm a. NH-54 cheithat meka an hmalak tawh dante thlir letna hun an hmang a. Review meeting an lo neih thin tawh a an thurel an bawhzui dan te sawiho a ni a. Hnathawh duhthusam lo lai te sawilan niin heng te hi a rang lama siamtha turin DC chuan contractor a hriattir a. Hna la thawh zawh loh te leh kawng khuar leh tlabal, siam that ngai te thlirhoin thawh zawh hun tur mumal taka bituk an ni a. Heng hun bi an siam sakah te hian thawk zo hman ngei tura beisei an nih thu Bawrhsap hian thawktute a hrilh a ni. 

Vawiin meeting ah hian Additional DC Pu Lalrinzuala, SDO (Sadar) Pi F.Lalnisai, SDC Dr C Vanlalchhanhimi leh official dangte bakah NHIDCL hnuaia contractor te an tel a ni.