2076/2024-2025

Dated Serchhip, the 16^th September, 2024: Mizoram Oil Tanker Driver Association (MOTDA) leh Petroleum Entrepreneurs' and Transporters' Union of Mizoram (PETUM) te'n tunhnai ruah sur avanga tuialhthei phur (oil tanker) khalhtu te an him zawk nana tlan chhunzawm an tum rih loh avangin POL Supply khaihlak thei dinhmunah kan ding a. POL-ah Sawrkar leh mipuite'n harsatna kan tawh loh nan ruahmanna a hnuaia mi ang hian siam a ni. Hei hi petrol leh diesel mamawhtuten rualkhai zawka POL an chan theih nan, The Mizoram Trade Articles (Licensing and Control) Order 1987 para 24 & 25 in thuneihna a pek angin a hnuaia khuahkhirhna hi Pu Paul L. Khuma, Deputy Commissioner, Serchhip District chuan a siam a ni. Filling Station-ten an pek chhuah tur aia tam an pe tur a ni lo.

A hmuna kal te chauh, a hnuaia tarlan ang hian pek chhuah tur a ni a, Bur, Gallon/Barrel a dawh phal a ni lo.

TYPE OF VEHICLE                                                             TO BE ISSUED M.8/DIESEL 

1. SCOOTY/SCOOTER                                                            2 LTRS.

2. OTHER TWO WHEELER VEHICLES                                   4 LTRS.

3. LMV                                                                                      10 LTRS.

4. SUMO/PICKUP/407/GYPSY/ MEDIUM TRUCKS                20 LTRS

5. TRUCK                                                                                 40 LTRS

6. BUHFAI/ESSENTIAL

COMMODITIES PHUR TRUCK       An Challan enin an kalna tur kal leh haw lam daih pek nise.

He order hi Legal Metrology Inspector ten thu leh awm hma chuan 24x7 duty in an enforce tur a ni. He order hi harsatna awm thut thei reng laka invenna atana tih a ni a, a tul dan anga ennawn leh a ni ang. Motor Spirit (Petrol) hi dead stock tel lovin 3000 ltrs leh High Speed Diesel (HSD) hi dead stock tel lovin 5000 lts a awmin, DCSO, Serchhip hnenah in report tur a ni a, DCSO Serchhip-in Deputy Commissioner, Serchhip District leh SDO (Civil) North Vanlaiphai/Thenzawi hnenah thu a hlan chhawng leh ang.

Dead stock baka control tur chinah chuan dealer/filling station ten mipui ah hralhchhuak (free sale) tawh lovin, a hnuaia hming ziaktu atanga phalna nei chauh te hnenah hralh chhuah a ni ang. Tin, SDO(C) Thenzawl leh N.Vanlaiphai awmna (Headquarter) filling station atanga Petrol leh HSD lak tum te hnenah (control tur chinah), SDO (C) te phalna neite hnenah chauh hralhchhuah tur a ni.