Dr. Lalzirmawia Chhangte, District Bawrhsap chuan Serchhip Complex Field, Auditorium leh KTP General Conference hmanna tur Pandal a tlawh.

Sport Complex Field ah hian Artificial Turf phah hna thawh zawh tawh niin , tunah hian Athletic Track tur Synthetic Fibre phah kualchhuah leh vek tura hmalak mek niin, hna hi zaa 90 vel thawh zawh tawh a ni. Bawrhsap chuan hnathawktu Syncot International te chu February thla tawp lama hna zo fel hman turin hnathawktute  chu  a ngenin, hnathawktu pawh la tam deuh turin a ngen a ni.

Sport Complex a tlawh hnu hian Serchhip  Auditorium tlawh nghalin stage chei that lai mek a enpui a, Auditorium hmunhma leh  tul dang chei ngaite chu tuaihnum chhoh zel anih dawn tur thu a sawi.

Auditorium a tlawh hnu hian kumina KTP General Conference neihna tur Leisekawt Field a Pandal sak mek chu tlawhin, Organising Committee ten an lo dawngsawng a, Pandal sak hna thawh kal mek te lo hrilhfiah bakah Pandal awmna Mual bul BDO Complex Tlang chu Inkhawmpui chhunga Thingpui lumna hmun atan ruahman sak tura lo ngenin, DC chuan theihtawp chhuahpui a tum thu a sawi a, Leisekawt Field sira Pavillion pawh UD&PA hmalakna in rawng hnawih thara, cheithar nise a duh thu a sawi bawk. 

Bawrhsap hi Pi Vanthangpuii, DUDO Serchhip chuan a tawiawm a ni.