1282/2025-2026
Dated Serchhip, the 22nd July, 2025: Kawng chhia avanga tank lorry te an tlan theih rih loh avangin Serchhip District huam chhunga tuialhthei chhek khawm a khaihlak loh nan, The Mizoram Trade Articles (Licensing and Control) Order 1987 para 24 &25 in thuneihna a pek angin Serchhip DC Pu Paul L Khuma chuan a hnuaia khuahkhirhna hi a chhuah a. Filling Station-ten an pek chhuah tur aia tam an pe tur a ni lo a. A hmuna kal te chauh, a hnuaia tarlan ang hian pek chhuah tur a ni a. Bur, Gallon/Barrel a dawh phal a ni lo.
TYPE OF VEHICLE TO BE ISSUED M.S/DIESEL
1. SCOOTY/SCOOTER 2 LTRS
2. OTHER TWO-WHEELER VEHICLES & Auto-RICKSHAWS 4 LTRS.
3. LMV 10 LTRS.
4. SUMO/PICKUP/407/GYPSY/MEDIUM TRUCKS 20 LTRS
5. TRUCK 40 LTRS
6. BUHFAI/ESSENTIAL COMMODITIES PHUR TRUCK An Challan enin an kalna tur kal leh haw lam daih pek nise.
He thupek hi thu leh awın hma chuan Legal Metrology Inspector ten 24x7 chhung an lekkawh ang. He thupek hi harsatna awm thut thei reng laka invenna atana tih a ni a, a tul dan anga ennawn leh a ni ang. Motor Spirit (Petrol) hi dead stock tel lovin 3000 ltrs leh High Speed Diesel (HSD) hi dead stock tel lovin 5000 lts a awmin, DCSO, Serchhip hnenah hriattir tur a ni a, DCSO Serchhip-in Deputy Commissioner, Serchhip District leh SDO (Civil) North Vanlaiphai/Thenzawl hnenah thu a hlan chhawng leh ang.
Dead stock baka control tur chinah chuan dealer/filling station ten mipuiah hralhchhuak (free sale) tawh lovin, DC atanga phalna nei hnenah chauh hralh chhuah a ni ang. Tin, SDO(C) Thenzawl leh N Vanlaiphai awmna (Headquarter) filling station atanga Petrol leh HSD lak tum te hnenah (control tur chinah), SDO (C) te phalna neite hnenah chauh hralhchhuah tur a ni.
