3634/2024-2025
Dated Serchhip, the 3rd December, 2024: Serchhip District Badminton Association (SIDBA) buatsaih ‘Serchhip District Badminton Tournament cum Inter-Club, 2024’ chu vawiin khan Serchhip Indoor Stadium-ah Serchhip DC Pu Paul L Khuma chuan khuallian niin a hawng.
Serchhip DC hian Serchhip District Badminton Players te hmaah thusawiin, mihring hriselna atan infiamna hrang hrang a tel ve te leh taksa insawizawi hi a pawimawh a, zu leh ruihhlo dang te lak atanga fihlim tur pawhin thalaite zingah infiamna uar a pawimawh hle a ni, a ti a. Pu Paul L Khuma, hian Serchhip District Badminton players te chu, Serchhip mai ni lovin, Mizoram tihmingṭhatu ni turin a fuih a ni.
Serchhip District pum huap badminton tournament-ah hian club pasarih (7) atangin players 116 an tel a. Ni 4 chhung awh tur niin December 6, 2024 thlengin an inkhel dawn a ni.
Vawiin hawnna inkhawm hi Organising Committee Chairman Pu Isaac Lalchhuanmawia’n a kaihruai a. Khuallian Serchhip DC Pu Paul L Khuma leh SIDBA hruaitute hian Exhibition match an khel nghal a ni.
