2187/2024-2025

Dated Serchhip, the 24^th September, 2024: Vawiin nileng khan New Serchhip North VC leh Chhim Veng VC By-Election neih niin mipuiten vote an thlak a. Serchhip District Election Officer Pu Paul L.Khuma’n vote thlakna hmun Polling Station te vawiin chawhnu khan a tlawh.

State Election Commission, Mizoram thuchhuah angin vawiin September ni 24, 2O24 (Thawhlehni) hian New Serchhip North VC leh Chhim Veng VC-a seat ruak pakhat ve ve atan By-Election hi neih  a ni a. Heng VC area ah te hian mipui ten zalen taka vote an thlak theih nan Sawrkar chawlh (public holiday) puan a ni a. Zing dar 7 atang khan vote thlak tanin tlai dar 5 thleng vote an thlak a ni.

Chhim vengah hian tlai dar 5 thleng khan vote 593 a tla a, hei vote awm zat atangin 67.7% a ni.

New Serchhip North ah tlai dar nga thlengin vote  946 a tla a, hei hi vote awm zat atangin 59% a ni.

DC hi Election Officer Pi F Lalnisai leh DIPRO Pi Lalnunmawii ten an tawiawm a ni.