4191/2024-2025
Dated Serchhip, the 11th February, 2025: Khua a lo thal leh ta a, mipuite kangmei laka an fimkhur tlan theuh nan Deputy Commissioner, Serchhip District chuan mipuite hnenah ngenna leh hriattirna a hnuaia mi ang hian a tichhuak a, Serchhip District mipuite zawm theuh turin a ngen a ni.
- In chhuahsan leh zan mut hmain kangmei tichhuak mai thei thil a awm leh awm loh enfiah hmasak zel tur a ni.
- Eirawngbawlna Gas (LPG) fimkhur takin hmang la, a leak anih chuan hmang lui suh. Tin, gas hman loh laiin regulator-ah 'OFF' thin hian a ti him lehzual.
- Parda, thosilen leh puanzar bul hnaiah mombati leh bati ang chi reng reng chhit loh tur a ni.
- Kangmei tichhuak thei petrol, khawnvartui leh diesel fimkhur takin hmang la, mei bul hnaiah dah loh tur a ni. A dahna chhin phui that tur a ni.
- Mei nung reng reng ngaihthah loh tur, meizial bung paih fimkhur la (a bik takin ram kal naah), a nung chungin paih suh.
- Meichhemna hmanrua: nawalh leh lighter-te naupang khawih phakah dah miah loh tur a ni.
- In leh a velah kangmei tichhuak thei a awm leh awmloh enfel thin la. Veng hmawr deuhva awm i nih chuan ram kang laka i him nan i in bul zau tak thianfai thin ang che.
- Kangmei a lo chhuahin chi-ai mai loh tur a ni a, rang takin inchhunga mite leh thenawm hnaite hrilh vat la, Fire Station hnai berah fiah tak leh rang takin kangmei chhuahna hmun hriattir ang che. Fire Station biakpawhna: 8119884154 leh Serchhip Police Station: 9233092581 ah te hriattir vat thin tur a ni.
- Kangmei chhuah thulhah kangtheihna hmanrua nena lo in ralrin lawk hi kan himna a nih avangin kangthelhna hmanrua neih theuh i tum ang u.
- Lo hal a lo hun leh ta a, sawrkar-in a lo hal hun chhung atan a ruat March ni 15, 2025 ral hma ngeiin hal ila. Lo hal turten mei kawng tha tak sial ngei ngei tur a ni. Hei hi Village Council ten lo bengkhawn in; thuawihlo/hun lo a halte chu report in, dan hnuaia hremna chelek ngei tur a ni.
