2300/2025-2026
Dated Serchhip, the 19th November, 2025: Tun hnaiah sawrkar/vantlang property te mimalin an duh dana an lo tihchhiat leh khawih danglam report a awm nual a. Vantlang thil reng reng hi phalna la hmasa lo chuan mi tupawhin (mimal emaw pawl emaw) an duh danin an ti hmelhemin an khawih danglam tur a ni lo.
Serchhip District Magistrate Pu Paul L Khuma chuan sawrkar/vantlang property chunga phalna nei lova kutthlak lo turin a a ngen a.
He thupek zawm lo chu a hnuaia Prevention of Damage to Public Property Act, 1984, section 3(i) leh (ii) in a tarlan ang hian hrem theih a ni.
Section3. Pawikhawihna vantlang (public) property chhiatna thlen thei:
(1) Mi tu pawhin vantlang property, vantlang property (2) hnuaia tarlan ni lo, chunga chhiatna thlen thei zawnga pawi a khawih chuan pawikhawihtu hremna chu kum 5 thlenga lung in tan tir leh pawisa chawi theih a ni.
(2) mi tu pawhin a hnuaia tarlan bik vantlang property chunga pawi a khawih chuan-
a) building (in) emaw, eng property pawh, tui, kawlphetha leh eng siam leh sem chhuahna
b) tui alh thei sawngbawlna
c) tui chhe sawngbawina
d) lunghlu siamchhuahna khur emaw (mine), thil siam chhuahna hmun (factory)
e) mipui phurh kualna hmanrua emaw, inbiak pawhna hmanrua emaw.
Pawi khawihtu chu thla ruk aia tlem lo hrehawm taka lung in tan (rigorous imprisonment), a hun chhung kum 5 thleng pawh sei theih leh pawisa chawi tir a ni ang.
Hemi bakah vantlang/sawrkar property tichhia te chu Section 324 of the Bharatiya Nyaya Sanhita hnuaiah hrem theih niin lungin tantir leh pawisa chawitir theih a ni bawk.
