Vawiin chawhma dar 10:00 atang khan Serchhip District chhunga Lok Sabha MP inthlan leh Hrangturzo Assembly bye-election buaipui tura sawrkarin a ruat Polling Party 77 te chuan Serchhip DC Office tual atangin an duty na hmun tur an pan a, Polling Party Team chhuak hnuhnung berin chawhnu dar 3:00 khan DC office tual chhuahsanin an duty na tur hmun an pan a ni.

Vawiina Polling Party hrang hrang kalchhuakte hian an duty na hmun tur pan a an chhuah hma in inthlanna a hman tur EVM pekchhuah an ni a, Hrangturzo Assembly Constituency bikah hian MP leh MLA tur thlanna atan Polling Station tinah EVM pahnih dah a ni dawn a, Lok Sabha MP thlanna tur EVM chu a rawng var (white) ani ang a, MLA thlanna atana hman tur EVM rawng chu a sen no (pink) ani thung ang.