Vawiin chawhma dar 10:00 atang khan Government Higher Secondary School, Serchhip-ah Serchhip District chhunga Lok Sabha MP inthlan leh Hrangturzo Assembly Constituency Bye-Election buaipui tur a ruat Polling Personnel chi hrang hrang – Presiding Officer, Assistant Presiding Officer/1st Polling Official leh 2nd Polling Official te tan training vawithumna buatsaih a ni.
Training hi hmun thumah neih a ni a, Presiding Officer te hi Pu Vanlalrova, MCS, BDO, Serchhip leh Pu K.Lalhmuakliana, MCS, SDO(C) Thenzawl te chuan Training a pe a, Assistant Presiding Officer/1st Polling Official te hi Pi C.Laltleipuii, MCS, BDO, East Lungdar chuan Training pe in; 2nd Polling Official te chuan Pi Malsawmtluangi Boitlung, MCS, SDC, Serchhip leh Pu Lalnunfela Chawngthu, MCS, SDC, Serchhip hnen atangin Training an la a ni.
Serchhip District chhunga Assembly Constituency pathum Tuikum, Hrangturzo leh Serchhip a MP inthlan leh Hrangturzo Bye-Election a duty tur polling official zat chu a hnuai Table ah hian tarlan a ni.
Assembly Constituency PRO APRO/1st PO 2nd PO TOTAL
26-Serchhip (ST) 29 (6 *) 29 (6 *) 58 (12 *) 116(24 *)
27-Tuikum (ST) 39 (10 *) 38 (9 *) 74(16 *) 151(35 *)
28-Hrangturzo (ST) 35 (10 *) 35 (10 *) 99 (24 *) 169(44 *)
GRAND TOTAL 103(26 *) 102(25 *) 231(52 *) 436(103 *) ·
* denotes reserved
Hrangturzo A/C ah hian MP inthlanna leh Bye-Election atan Polling Station tinah EVM dahbelh vek a ngaih avangin 2nd Polling Official hi Polling Station tinah pahnih dah belh vek an ni dawn a ni.
