Serchhip District chhunga Assembly Constituency pathum chuh tur mi pathumin vawiin khan nomination an file leh.

Mizoram Democratic Alliance hminga 26-Serchhip Assembly Constituency chuh turin Pu Lalramzauva chuan vawiin chawhnu khan Serchhip Assembly Constituency Returning Officer, Pi Juhi Mukherjee, IAS hnenah nomination file in thutiam a la nghal a, vawiin ah vek khan Zoram Nationalist Party aiawha candidate Pu PB Lalsawmliana pawhin Returning Officer Pi Juhi Mukherjee, IAS hnenah hian nomination file in thutiam a la nghal bawk.

Vawiin chawhnu ah vek khan 28-Hrangturzo Assembly Constituency chuh turin Mizoram Democratic Alliance candidate Pu Lalthansanga chuan Hrangturzo Assembly Constituency Returning Officer, Pu Lalsangliana, MCS hnenah Nomination file in thutiam a la nghal bawk a ni.