792/2022-2023
Dated Serchhip, the 6th June, 2022: Serchhip District chhunga Sailulak khuaah tun hnai hian African Swine Fever avangin Vawk a thi nual a. Hetiang anih avang hian he hri a darh zel loh nan he hri len mekna hmun hi Infected Area a puan a tul a.

Chuvangin, Dr. John Lalhnuna, Sr. Veterinary Officer, Serchhip District chuan The Prevention & Control of Infectious and Contagious Disease in Animal Act 2009, Section 20 Sub-section 1 in thuneihna a pek angin Sailulak Khua, Serchhip District chu ni 3rd June, 2022 atanga thu leh awm hma chu Vawk hri lenna hmun “INFECTED AREA” a ni tih a puang.

Heng Infected Area chhungah hian hengte hi zawm ngei tur a ni.

1. Sailulak khua atanga Vawk lakchhuah emaw lak luh khap tlat a ni.
2. Vawk thi reng reng paih mai lovin, chinai/Disinfectant nen thuk taka phum ngei tur a ni.
3. Vawk talh leh vawksa zawrh khap tlat a ni.