Serchhip DC chuan District pum huapin mipui mimir himna leh hrisel zawk nan Cr. PC 144 tlawh chhanin khapna thupek a siam a. He thupek 3rd November atanga hman tan hian District pumah halpuah, halmawi chi hrang hrang leh naupang silai lem a mu nei (toy gun with pellets) chi reng reng zawrh, hralh leh kawl a khap tlat a ni.
Thupek bawh chhiate chu dan anga hrem theih an nih thu leh he thupek hi thla hnih (2) chhung atana puan a nih thu a tarlang.
