No.6476/2020-2021

Dated Serchhip, the 9th November, 2020: Vawiin hian Serchhip District Sanitation Task Force te chu an Chairman Pu Kumar Abhishek, IAS, bawrhsap hovin DC meeting hall ah an thukhawm a, Mizoram Solid Waste Management Bye Law, 2018 chu a taka hman thuai an rel.

Mizoram Solid Waste Management Bye Law, 2018 hmanga bawhhlawh paihna man in tin atanga khawn te, vantlang hmun tibawlhhlawhtute chunga hremna dan hrang hrangte Serchhip District-a hman tur bik rate hi ni 2 August, 2019 khan District Sanitation Task Force leh Village Council te, tlawmngaipawl hrang hrang aiawhten an lo siam fel tawh a, chung rate te chu mipuiten an lo hriata, sawisel duh nei apiangten an sawisel theihnan chanchinbuah Advertisement pawh I&PR kaltlanga pek a ni tawh a. Tin, in tin atanga bawlhhlawh paih man rate hi danin a phal angin ni 21 January, 2020 khan ennawn a ni leh tawh bawk a. Heng dante hi a taka hman a nih theih nan Deputy Commissioner in Notification a chhuah chauh hmabak ni tawhin chu Notification chhuah a nih hun tur leh chhuah a nih hmaa tihtur la awm thei te vawiin hian sawi ho a ni.

Meeting hian mipuite hnena heng dan inzirtirna hi hun reilote kalpui leh phawt ni se, nodal department (UD & PA) lamin engemaw tihfel ngai hlek an la neih te an tihfel hunah Notification hi tihchhuah mai ni se tiin a rel a, Serchhip khawpui chhung leh district chhunga khawpui dang pahnih Thenzawl leh N. Vanlaiphaia he dan kalpui dan inang thei lo tur laite pawh uluk taka sawi ho nghal a ni.

Meeting ah hian Pu Lalmuansanga Ralte, MCS, Addl DC leh member dangte an tel a ni.