790/2022-2023
Dated Serchhip, the 6th June, 2022: Tunlaiin Mizoram hmun hrang hrangah ASF hri a leng mek a. Vawk tam tak thi tawhin tam tak suat mek a ni bawk a. Serchhip District chhung Bawktlang khua ah pawh he hri hi a leng mek a ni. He hri hi a darh zel loh na turin Pu Lalmuansanga Ralte, Additional District Magistrate, Serchhip District chuan a hnuai ami ang hian Section 144 CrPC 1973 tlawhchhanin khapna thupek thar a chhuah.

1. Serchhip District chhungah State dang leh ram dang atangin Vawk, Vawksa leh Vawksa atanga siam eitur reng reng lakluh khap tlat a ni.
2. Serchhip District chhungah District dang atanga Vawk, Vawksa leh Vawksa atanga siam thil reng reng lak luh emaw thawn chhuah emaw pawh khap a ni a. Serchhip District chhunga khua leh khua te pawh vawk in lak pawlh loh tura a ni.
3. Vawk damlo reng reng talh leh hralh khap tlat a ni.
4. Vawk damlo chu dah hran vat tur a ni a. Vawk thi reng reng thuk taka phum bo tur a ni.
5. Vawk damlo leh thi an awmin AH & Vety Official te hnenah hriattir vat tur a ni.
6. Hri leng darh zel loh nana Vawk suat duh te chuan AH & Vety Department ah dilna theh luh tur a ni.

He thupek hian thuleh awm hma chu Order chhuah anih (3rd June, 2022) atanga thla 2 (two months) chhung a huam ang.

He thupek zawm lo chu section 188 IPC dan hmangin hrem theih an ni ang.