No.6005/2020-2021

Dated Serchhip, the 12th October, 2020: Vawiin hian International Girl Child Day, 2020 lawmna leh Beti Bachao Beti Padhao (BBBP) Serchhip District Photography Competition lawmman semna Serchhip DC Conference Hall ah buatsaih a ni a. Pu Lalmuansanga Ralte, MCS, Addl. DC chu khuallian a ni.

Pu Lalmuansanga Ralte chuan, fanute chu fapa te ang bawka kan enkawla, an dam chhunga dinhmun tha leh ngialnghet an rah ngei theihna atana kan tanpui a tul tih sawiin, India ram anga kan dinhmun thlir chuan nasa taka tanlak a la tul thei ang a; Mizoram anga thlir erawh chuan kan dinhmun a chhe lutuk lova ngaih theih a ni bawk ang, a ti a. Kan fanute aiin kan fapate zawk an ngaihtuahawm lek lek fo niin a lang a ni, a ti. BBBP hmalakna atana Serchhip District thlan a ni chu lawmawm a tih thusawiin, Serchhip chu hmeichhiate dinhmun duhawm taka an dinna district, India rama district dangte tan pawha entawn tlaka chhuah tum zel a duhawm thu a sawi a ni. BBBP Thlalak Intihsiaka lawmman dawngtute a lawmpui thusawiin khuallian chuan; thlalak chu ri tel lova thil tam tak min zirtir thei thil, ziak leh chhiar thiamlo tan pawha thu tam tak dawn theihna, midangte zirtir nana hmanraw tha chungchuang a nih thusawiin, nasa taka bei chhunzawm zel turin a sawm a ni.

Khuallian hian lawmman dawngtute hnenah lawmman hi a hlan nghal a ni.

Lawmman dawngtute chu: DSLR Category ah, Pakhatna Mathew Lalruatkima, Serchhip Bazar; pahnihna Lalrinliana Serchhip Vengchung; pathumna Lalramliana Serchhip Vengchung te an ni a. Consolation Prize mi panga hnenah pek niin a dawngtute chu: Lalhruaitluanga, Serchhip Vengchung, Lalruatdiki Serchhip Vengchung, K. Lalpekhlua, Serchhip Dinthar, C. Lalrochhuanga, New Serchhip leh Elisian Sailo, Serchhip Bazar te an ni.

Mobile Phone Category lawmman dawngtute chu: Pakhatna, Sailoliana E. Lungdar; pahnihna Jacob Ramdinthara, Leisang Veng, Serchhip, pathumna Richard Zorinsanga, Consolation Prize dawngtu mi pangate: Lallawmsiama, Serchhip Vengchung, VL Rinhlupuia, Dinthar Veng, C. Lallawmzuala, Thenzawl Ramthar Veng, C. Ramengmawia, Serchhip Tuikhuah Veng, CMS Dawngliana, New Serchhip Bazar.

He hunah hian Pi V. Lalruatsangi, Women Welfare Officer, Mahila Shakti Kendra chuan BBBP hnuaia hmalakna hrang hrang te sawifiahna a nei bawk a ni.

He hun hi Pu K. Saitluanga, MIS, Convener, Photography Competition in a kaihruaia, District Task Force on BBBP member te, Media mite leh lawmman dawngtute an kal khawm a ni.