No.1105/2020-2020

Dated Serchhip, the 15th May, 2020: Dr. Lalzirmawia Chhangte, IAS, Deputy Commissioner Serchhip District chuan District chhunga tangkhangte mahni khaw lama an haw phalsak anih thu a hnuaia ami ang hian Order a chhuah:

Govt. of Mizoram, Home Department in order No. F. 22015/50/2020-HM/covid19 Dt. 12/5/2020 a chhuah angin migrant workers, tourists, students leh midang, Mizoram State pawn lam mi Serchhip District chhunga COVID-19 lockdown kalpui avanga tangkhang te chu a hnuaia mi ang hian anmahni chenna hmun (Home State) pana Mizoram atanga an haw phalsak an ni ang.

1. Serchhip District chhunga migrant workers, tourists, students leh midang tangkhang awmgte chu an kir duhna State in an State a luh a remtih chuan Deputy Commissioner, Serchhip hnenah: Serchhip District-a an address kimchang, eng hnathawkin nge an tangkhan, khawi State a haw tur nge an nih tih leh an haw dan tur an ruahman dante kimchang taka in report in hawn phalna dil tur a ni. EPIC (Voter ID Card) Xerox copy thil tel tur a ni.

2. Mahni chenna hmun (Home State) pana haw duh reng reng chuan an kalna senso an intum vek tur ani.

3. Mizoram chhuahsana hawng tur ten an kaldan tur leh motor hman tur te chiang takin report tur a ni a, motor hi Vairengte, Kanhmun, Bairabi leh Khawkawn thleng hman phalsak an ni anga, heng khuate atanga anmahni khua pan tur motor an ngaihtuah theih chuan an kal phalsak anni ang.

4. Mizoram chhuahsana mahni khua pana haw tur ten inter state an pel dawn emaw anmahni chenna hmun/khua thleng Mizoram chhung ami motor an hmang dawn anih chuan motor driver/handyman te Mizorama an lo let leh hunah Mizoram sawrkar in quarantine centre a ruahman ah dan angin quarantine ve tur an ni ang. Hemi ruahmanna zawm thei lo tur driver/handyman te chu Mizoram State pawn chhuahsan phalsak an ni lo ang.

5. Mahni khaw pana haw tur ten Mizoram chhunga essential/non-essential commodities phur motor remchang an hawna tur an lo ruahman thei anih chuan Deputy Commissioner ah report tur a ni a, heng motor ruala haw phalsak an nih chuan anmahni leh an chuanna tur motor details border check point ah pek anih hnu ah kal phalsak an ni ang.

6. Mizoram chhuahsana hawng duh in report zawng zawngte Medical screening/basic test neih vek tur a ni a, hemi hnua kal phalsak te chu an motor chuanna ah social distancing sawrkar in a ruahman dan an zawm tur a ni.

7. Mizoram State chhuahsana mahni State a haw duh, anmahni chenna Home State-in entry permission a la pek lohte chu Deputy Commissioner hnenah inreport a, dilna thehluh tur ani. Dilna hi Home Depertment, Govt. of Mizoram ah thehluh a, State permission hmuh anih hnuah an haw phal sak an ni ang.