2185/2025-2026

Dated Serchhip, the 13th November, 2025: Serchhip District Consumer Protection CouncilSerchhip District Consumer Protection Council chu vawiin khan an Chairman Pu Paul L Khuma hoin DC Meeting Hall-ah an thukhawm.

Serchhip District chhung dawr hrang hrangah expire tawh bungrua lo zuar ru an awm loh nan endik thin ni se. Health Department hnuaia Food & Drugs Administration te, Police, Consumer Union leh Legal Metrology ten hma lo la se tiin an rel.

Ei rawngbawlna gas sem (home delivery) chungchanga harsatna mipuiin an tawh dan ngaihthlak a ni a. Hemi chungchangah hian District Civil Supplies Officer chuan Manager leh delivery boy te ko khawmin, November kar tawpah meeting lo neih pui se tiin meeting-ah hian rel a ni a.

Serchhip khawpui chhung Bazar hnuaia parking fee khawn chungchang pawh sawiho niin mipuiin awareness an neih theih nan a rate mumal taka tarchhuah ni se, an ti a. Hei hi Conumer Union lamin an bawhzui dawn a ni.

Vawiin meeting ah hian sawrkar thuneitute bakah Consumer Union hotute leh tlawmngai pawl te an tel a ni.