263/2026-2027

Dated Serchhip, the 23rd April 2026: Vawiin khan Serchhip District Information & Public Relations Officer (DIPRO) thar, Pu R. Vanneihtluanga leh Serchhip District-a Mizoram Journalists’ Association (MJA) hruaitute chu DIPRO pisa-ah inkawmin, ram leh hnam tana thawh hona tha zawk neih dan tur an sawi ho.

DIPRO Pu R. Vanneihtluanga chuan media-te chu democracy innghahna lungphum pawimawh em em, a tha zawng leh a chhe zawnga mipuite rilru sukthlek thlenga hruai theitu an nih thu sawiin, mipui hnenah hriatna dik leh rintlâk an thlen a pawimawh hle tih a sawi a.

Khawvel ram ropuite'n media hmanga an hnam hmel leh chanchin an vawrh lar thin dante tarlangin, 'Serchhip District hmasawnna tur leh ram leh hnam tana thil tha tihna kawngah sawrkar leh media-te lungrual taka thawh ho a pawimawh hle a ni' a ti bawk.

Serchhip District MJA aiawhin President Pu Kapliana Pachuau-in lawm luhna thu sawiin, Serchhip district chhunga hmalakna hrang hrangahte mipui leh sawrkar ke tichaktu niturin thawh hona tha tak neih an duh thu an sawi ve bawk a ni.