No.4321/2020-2021   

Dated Serchhip, the 20^th August, 2020: Vawiin hian Pu Robert C. Lalhmangaiha, MCS, Election Observer chuan SP Office leh I&PR Office a tlawh a, kan hma lawka Village Council inthlan lo awm tur chungchanga inbuatsaihna chungchang an sawi ho.

Observer hi Pu R. Sathyasundaram, IPS, SP Serchhip leh Pu PC Laltanpuia, Addl. SP ten anlo dawngsawng a, VC Election atana venhimna kawnga an inbuatsaih dante a sawipui a, Polling Booth tinah Police duty dah an tum thu an sawi. Inthlanna felfai leh thianghlim tak neih anih theihnan thawihtawp chhuah turin Observer hian a sawm a, Serchhip Police te inbuatsaihna chu tha thawkhat a hriat thu a sawi bawk.

Hemi hnu hian hian District Information & Public Relations Office tlawh lehin,Pu K. Saitluanga, MIS, DIPRO chuan alo dawngsawng a, inthlanna atana mipui hriattur puanzar anih dan leh chanchinbu mite nena thawh ho dan lo hrilhfiahin, polling day-a meida mite ID Card tur an buaipui mek thu a lo hrilh a. Inthlan result kimchang  media miten an hriat thuai theih nana ruahmanna siam an tum mek thu a lo hrilh bawk. Observer chuan Covid 19 hri len lai anih avangin vote thlak nia mipuite himna dan ruahman te a tam thei ang ber inhrilhhriat tha tih thu a sawi a, Serchhipah sawrkar leh media mite inpawh taka hna an thawh thin avanga lawmawm a tih thu a sawi bawk.

Election Observer hian nimin lam khan Tuikum Assembly Constituency-a khaw thenkhat tlawhin, karleh hian Thenzawl lam tlawh leh ang.