2320/2023-2024

Dated Serchhip, the 14th October, 2023:  Vawiin khan Election Commission of India tirha Serchhip District chhung Constituency pathum vil tura ruat Expenditure Observer Pu Umesh Chandrakant Phade, IRS, chuan Serchhip DC Conference Hall-ah Expenditure Monitoring a taka thawktu tur team hrang hrang te a ko khawm a, meeting pawimawh tak a neih pui.

Expenditure Observer chuan election felfai, dik leh thianghlim a awm theihna turin MLA candidate tin te inthlana senso chuan cheng nuai 28 a pel tur a ni lo, tiin Election Commission of India chuan a bithliah a; hei hian a tum ber chu party lian leh hausa zawk te leh party te nau leh sum nei tlem zawk te pawhin inthlanah intluk tlang thei ang bera an inkhin theihna tur hmanrua a ni, a ti. ECI chuan campaign na atan sum senso te uluk taka vil zui turin team hrang hrang a din a, chung team hrang hrang te chuan an hna uluk leh taima takin an thawk tur a ni, Observer chuan a ti a. Mahni hna pawlawh taka thawk an lo awm a nih chuan an chungah action lak a nih tur thu a sawi bawk.

Pu Umesh Phade chuan team hrang hrang te inpuahchahna leh an nitin hnathawh te a zawt a. Harsatna an tawhte leh hmalak belh ngaite a sawipui a. Thu zawhfiah duh leh hriat duh an neih chuan englai pawha amah an biak pawh theih reng tur thu a hrilh bawk.

Vawiin meeting hi Election Expenditure Monitoring Nodal Officer Pu HD Lalpekmawia’n a kaihruai a. DEO Pu David Lalthantluanga’n kalkhawmte inhmelhriattirna hun a hmang a.  Video Surveillance Team, Video Viewing Team, Accounting Team, Flying Squad, Static Surveillance Team, Assitant Expenditure Observer te, Excise Team leh Media Certification and Monitoring Committee member te he meeting ah hian an tel a ni.