3665/2024-2025

Dated Serchhip, the 30th December, 2024: Serchhip District chhunga nungcha chi hrang hrang te tichereu mai lova humhalh an nih theih nan leh ramvah avanga nunna chan an awm loh nan Serchhip DC Pu Paul L. Khuma chuan a hnuaia mi ang hian thupek vawiin December 30, 2024 khan a tichhuak.

Thlasik kan lo chuangkai leh ta a, heng hunlai hian mi thenkhat ten silai hrang hrang leh hmanraw dang hmangin kan rama sava pem chi, kan ram rawn paltlang thin sava te bakah kan rama sava awmsa te leh ramsa te an pel thin tih hriat a ni a, heng avang hian ramvak karah inkahpalh avanga nunna hial chan pawh an lo awm tawh thin a. Chuvangin, kan chhehvela nungcha chi hrang hrang te tichereu mai lova humhalh an nih theih nan leh ramvah avanga nunna chan an awm loh nan thupek chhuah tulin ka hria a.

Chuvangin, Section 163 of Bharatiya Nagarik Suraksha Sanhita, 2023 tlawh chhanin a hnuaia thupek hi ka chhuah e.

Serchhip District huam chhungah mi tumah in Air gun/Air Rifle, silai, sairawkherh leh hmanraw dang hmangin ramsa leh sava reng reng an vehin an kap/man tur a ni lo.

He thupek hian thu leh awm hma chu Order chhuah a nih atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.