No.2466/2020-2020

Dated Serchhip, the 26th June, 2020: Vawiin hian Serchhip District Disaster Management Plan hnuaia chhiatna lo thleng lo hmachhawn tura ruat (Incidence Response System/IRS) a mawhphurtu officer (responsible officer) te chu District Responsible Officer, Dr. Lalzirmawia Chhangte, IAS bawrhsap ni bawk hovin DC meeting room ah an thukhawm a. District chhunga chhiatna thleng palh a awma an mawhphurhna hrang hrang te inhrilh thar nan leh pawimawh dangte sawi ho na an nei.

Chairman Dr. Lalzirmawia Chhangte chuan, khuarel chhiatna hi kan thunun thei lova mahse chhiatna nasa lutuk a awm lohnan kan lo invengin kan lo inbuatsaih thei thung a. Tun hma chuan heng chhiatna hi kan Sepui ruah tuar deuh maia, a thlen fel hnuah chhawmdawlna leh inkhaichhuahna lam (relief & rehabilitation) kan thawk deuh mai thin. Kum 2005 atang kha chuan India ramin Disaster Act neiin a lo thlen hma atanga lo inbuatsaih lawkna dan nen lam kan lo nei taa, chu ruahmanna hnuaiah chuan Incidence Response System fel tak awmin mawhphurhna hrang hrang kan insem ta a. Heng kan mawhphurhna te hi kan hriat tlana, ka intuai thar reng a tul a ni, tiin mawhphurhna nei officer kalkhawm te a chah a ni.

Meeting ah hian IRS tihnun leh a hnathawh dan Pi Vanlalduhi Ralte, District Organiser in sawifiahna a nei a, Quick Response Team din a nih thu leh hman tangkai dan te, Office tinin Disaster Management Plan neih a tul dan te, chhiatna a lo thlena District Emergency Operation Centre tihnun leh kalpui dan te, District Disaster Management Plan anga chhiatna lo thleng lo hmachhawn dan tur tlangpuite zirho a ni a. Department hrang hrang ten development Plan an neihah te disaster laka him tur zawnga ruahmanna (plan) neih a tul dan te sawi ho a ni.